Hava goldið ov nógv fyri skeið

23.09.2022 - 08:39
AktueltSamfelag
Hava goldið ov nógv fyri skeið
Landsgrannskoðanin vísir á, at Sjónám og Vinnuháskúlin hava ikki hildið seg til skeiðsgjaldið, sum eru ásett eftir kunngerð
Sjónám og Vinnuháskúlin hava ikki hildið seg til skeiðsgjaldið, sum er ásett eftir kunngerð, sigur Landsgrannskoðanin.
 

Bæði sjófólk og skúlanæmingar hava goldið ov nógv fyri skeið um trygd á sjónum.

Tað sæst í frágreiðingini frá Landsgrannskoðanini fyri landsroknskapin fyri í fjør.

Landsgrannskoðanin vísir á, at Sjónám og Vinnuháskúlin hava ikki hildið seg til skeiðsgjaldið, sum er ásett eftir kunngerð.

Sambært kunngerðini skal gjaldið vera í mesta lagi 2.500 kr. fyri skúlanæmingar og í mesta lagi 4.000 kr., fyri sjófólk.

Vinnuháskúlin hevur tikið ávikavist 3.250 og 6.500 kr., fyri skeiðini, ávikavist 1.250 og 2.500 kr., meir, enn hann átti.

 

Vinnuháskúlin hevur eisini tikið meira fyri skeiðini, enn hann átti, sigur Landsgransskoðanin. 

 

Torført at finna luttakararnar

Sagt verður í frágreiðingini, at Vinnuháskúlin skal gjalda skeiðsluttakarunum ov nógv kravda skeiðspeningin aftur, men sambært skúlanum hava tey havt trupult við at finna fram til, hvørjir skeiðsluttakararnir eru, tí er peningur settur av til tað. 

Skúlin arbeiðir framvegis við at loysa málið, og samskiftir við Uttanríkis- og mentamálaráðið um tað.

Í august kunnaði landsstýrismaðurin Landsgrannskoðanina um, at Uttanríkis- og mentamálaráðið hevur tikið málið um skeiðsgjøldini upp til nýggja viðgerð, men enn ber ikki til at siga, nær komið verður víðari í málinum, stendur í frágreiðingini hjá Landsgrannskoðanini.

Er kopiera
Nýggjastu sendingar í ÚV
Mikudag 28. september
LEITISSTEIN 27.09.2022 (Trucker Frank)
145448
Mikudag 28. september
Góðan morgun Føroyar 28.09.2022
145443
Mikudag 28. september
Morgunlestur mikudagur 28. september 2022
145186
Týsdag 27. september
Ljóarin 27. september 2022
145415
Nýggjastu sendingar í SV
Mánadag 26. september
3-2
145358
Sunnudag 25. september
Sangmøti í Ebenezer.
145276
Sunnudag 25. september
Andakt við Palla Petersen
145275
Mánadag 19. september
3-2
145026
Sunnudag 18. september
Andakt við Karinu Magnussen
144956