Forsetaval í Brasil: Lula vann fyrra valumfar

03.10.2022 - 08:23
AktueltÚtheimurin
Forsetaval í Brasil: Lula vann fyrra valumfar
Av tí at hvørki av valevnunum fekk meira enn helvtina av atkvøðunum, verður nýtt valumfar 30. oktober
Lula da Silva fekk 48,4 prosent av atkvøðunum á fyrra valumfari
Mynd: Ritzau Scanpix  
 

Inacio Lula da Silva, sum fekk flestar atkvøður á brasilska forsetavalinum í gjár, sigur seg fara at stríðast allan vegin til seinna valumfar 30. oktober.

Lula fekk 48,4 prosent av atkvøðunum, og sitandi forsetin, Jair Bolsonaro, fekk 43,2 prosent. 

Nú hvørgin fekk meira enn helvtina av atkvøðunum, verður nýtt valumfar 30. oktober.

 

"Einki hendir av tilvild"

Lula da Silva tosaði í nátt við veljarar eftir at valúrslitið var greitt:

- Tað er eitt í mínum lívi, sum dregur meg, eggjar mær og endurføðir meg hvønn dag, - tað er, at eg haldi, at einki er av tilvild. Einki hendir av tilvild. Undir øllum hesum valstríðnum lógu vit á odda í almennum veljarakanningum frá øllum stovnum, eisini teimum, sum ikki vildu, at vit skuldu vinna, og góvu okkum fremsta pláss. Eg havi altíð vitað, at vit fóru at vinna hesi val. Og eg vil eisini endurtaka, at vit fara at vinna hesi val.

 

Jair Bolsonaro, forseti, á vali í gjár (Mynd: Ritzau Scanpix)

 

Stúrir fyri vinstravonginum

Jair Bolsonaro, forseti, tosaði í nátt eisini við sínar veljarar, sum stóðu uttan fyri forsetaborgina:

- Tað, sum eg stúri mest fyri, er, at Brasil missir sítt frælsi, at Brasil fer yvir á vinstravongin, í somu slóð sum Venesuela, Argentina, Kolombia, Kili og Nikaragua. Tað er tað, sum eg stúri fyri, har fyrsta offrið er frælsi hjá fólkinum, segði Jair Bolsonaro í nátt.

 

Ætlar at vera sitandi

Bolsonaro hevur fleiri ferðir undan valinum sagt, at tapir hann valið, so er valsvik framt, og um so er, útihýsir hann ikki, at hann rætt og slætt verður sitandi sum forset,i og sostatt fremur beinleiðis statskvett.

Er kopiera
Nýggjastu sendingar í ÚV
Hósdag 1. desember
Mono: Fimm áratíggju (2:5)
148822
Hósdag 1. desember
Góðan morgun Føroyar 01. desember 2022
148795
Hósdag 1. desember
Morgunlestur hósdagur 1. desember 2022
148582
Nýggjastu sendingar í SV
Hósdag 1. desember
Val kring landið - Hov
148799
Mikudag 30. november
Tjóðveldi í Tinginum
148742
Mikudag 30. november
Sambandsflokkurin í Andglettinum
148728
Týsdag 29. november
Val kring landið - Klaksvík
148669