Klaksvíkar kommuna selur ognir

Klaksvíkar kommuna selur nú eini hús í býnum.

Talan er um húsini við Jústabrekku 1.

Kommunan ætlar sær minst 5,5 mió. kr. fyri húsini.

Almannaverkið leigar íbúðir

Húsini eru bygd í 1911 og høvuðsumvæld í fjør. Tey hava tríggjar hæddir, sum eru 140 fermetrar. Grundøkið er 550 fermetrar.

Seks íbúðir eru í húsunum, og í kjallaranum er kommunalt skjalasavn

Leigusáttmáli er við Almannaverkið um íbúðirnir. Og hann er galdandi til 1.august 2026.

Og keyparin skal eisini leiga Klaksvíkar kommunu kjallaran til skjalasavn í tíggju ár.

Matrikul

14. november er freistin

Freistin at koma við tilboði uppá húsini er til 14.november á middegi.

Klaksvíkar kommuna selur eisini góðar 5.600 fermetrar til íbúðabygging. 

Økið eitur undir Kráarbrekku norður.

Lendið verður selt fyri 380 kr. fyri fermeturin. Tað kostar tí slakar 2,15 mió. kr.