Føroya Tele og Nema samstarva um farnetið

Í framtíðini verður eitt farnet í Føroyum, tí FT Samskifti og Nema hava gjørt avtalu om at samstarva um farnetið. 

Hetta stendur í tíðindaskrivi frá Nema og FT Samskifti, ið er dótturfelag hjá Føroya Tele. 

Sambært Nema og FT Samskifti fer samstarvið at gagna kundunum, men báðir veitararnir fara framvegis at kappast um vørur og tænastur.

Avtalan um at samstarvið er treytað av, at Kappingareftirlitið góðkennir samstarvið. 

Í fjør skrivaði FT Samskifti undir avtalu við Ericsson um nýggja farnetið, sum eftir ætlan verður liðugt í fyrsta ársfjórðingi 2023.

Við nýggja farnetinum fáa brúkararnir 5G, ið er nýggjasta og skjótasta ættarliðið av farneti, siga Føroya Tele og Nema.

Hetta er samstarvsbygnaðurin hjá Føroya Tele og Nema:

Samstarvsbygnaður millum Nema og Føroya Tele, Nema, Føroya Tele