Javnstøðunevndin fær leiðbeining um at viðgera klagur

Uppskot er gjørt um leiðbeining um, hvussu Javnstøðunevndin skal viðgera klagur.

Uppskotið er sent til hoyringar.

Í januar sendi Almannamálaráðið eitt uppskot um kunngerð um kærumálsviðgerð hjá Javnstøðunevndini til hoyringar. 

Í fastar karmar

Eftir at viðmerkingarnar komu, hevur Almannamálaráðið í samráð við lógartænastuna í Løgmansskrivstovuni gjørt av at gera eina leiðbeining í staðin.  

Uppskotið um leiðbeiningina er orðað við tí fyri eyga at leggja klaguviðgerðina hjá Javnstøðunevndini í fastar karmar. Og soleiðis bæði lætta um arbeiðið hjá Javnstøðuskrivstovuni og betra um rættartrygdina hjá klagara og klagaða, verður sagt úr Almannamálaráðnum.