Kvinnuhúsið skal eisini ráðgeva monnum

Longu í ár skal Kvinnuhúsið eisini ráðgeva monnum.

Í einari kanning frá 2020 um likamligan, kynsligan og sálarligan harðskap er niðurstøðan, at móttøka fyri harðskapsrakt skal skipast betur. 

Við at savna ráðgeving og vegleiðing á einum staði verður lættari hjá teimum harðskapsraktu, teirra avvarðandi og myndugleikum, stovnum og feløgum at basa harðskapinum.

Og Kvinnuhúsið skal skipa harðskapsmóttøkuna bæði fyri kvinnur og menn, men menn fáa ikki innivist í Kvinnuhúsinum.

Biðið verður um 300.000 kr. til Kvinnuhúsið í uppskotinum um eykajáttanarlóg, sum kom í tingið í gjár.

Leigumálið hjá Kvinnuhúsinum verður víðkað, og ætlanin er at seta eitt starvsfólk afturat.