Strandferðslan skal sleppa at læna pening til endurnýgging

Strandferðslan skal umskipast til ein almennan stovn, sum líkist bygnaðinum í Bústøðum.

Hetta verður gjørt, so at Strandferðslan m.a. skal fáa møguleika at taka lán til at endurnýggja strandferðsluflotan. 

Hetta er ein partur av semjuni hjá samferðslubólkinum. Semja er eisini um at taka av tunnilsgjøldini í Vága- og Norðoyatunlunum.

Triði partur av semjuni er at lækka ferðaseðlaprísirnar hjá útoyggjafólki, suðuroyingum og sandoyingum.

Jákup Mikkelsen, tingmaður fyri Fólkaflokkin, er ein av limunum í samferðslubólkinum.

Hoyr innslag í útvarpstíðindunum: