Svøríki: Vilja byggja fleiri kjarnorkuverk

Nýggja svenska stjórnin, sum fór til verka í gjár, ætlar at byggja fleiri kjarnorkuverk í Svøríki.

Tað vísir samgonguskjalið, sum teir tríggir borgarligu flokkarnir hava orðað.

Sambært svenska kringvarpinum vil stjórnin røkka teimum málum, sum eru sett á grønu leiðini og staðfest í París-sáttmálanum, við at byggja fleiri kjarnorkuverk.

Ebba Busch, sum er leiðari hjá Kristendemokraterna, sigur harafturat, at stjórnin miðar eftir at gera tað bíligari at liva hjá svenskum feløgum og familjum, og at økt kjarnorka er ein partur av loysnini.