Bæði fyrimunir og vansar at spekulera í realkredittlánum

Við at keypa gamla lánið aftur við fastari rentu, meðan kursurin er lágur, ber til at minka skuldina. Men keypið skal fíggjast við nýggjum láni, sum hevur hægri rentu

Fleiri kundar leggja um frá fastari rentu til broytiliga rentu, men talan er kortini ikki um eitt týðiligt rák enn, sigur Betri banki.

Arnfríð Dahl

21.10.2022 - 12:20

Tá rentan hækkar, lækkar kursurin á realkredittlánsbrøvunum samstundis.

Keypir tú títt gamla realkredittlán við fastari rentu aftur, meðan kursurin er lágur, ber til at minka um skuldina. Men tað eru bæði fyrimunir og vansar við hesum slagi av spekulatión, tí keypið skal oftast fíggjast við einum nýggjum láni, og tann rentan á nýggja láninum er høg samanborið við lágu rentuna, vit hava sæð seinastu árini.

- Fleiri kundar leggja um frá fastari rentu til broytiliga rentu, men talan er kortini ikki um eitt týðiligt rák enn, sigur Olav Guttesen, stjóri í Betri banka:

21102022_Realkreditt_1

Olav Guttesen

Olav Guttesen er stjóri í Betri banka.

Malan Johansen, stjóri í Landsbanka Føroya, vil hvørki mæla til ella frá at leggja realkredittlánið um í hesum døgum. Tað týdningarmesta er, at fólk fáa holla ráðgeving frá sínum banka:

212022_Reakjreditt_2