Rishi Sunak fingið stuðul frá 100 tingfólkum

Fyrrverandi fíggjarmálaráðharrin í Bretlandi, Rishi Sunak, hevur sum tann fyrsti tryggjað sær stuðul frá 100 tingfólkum hjá konservativa flokkinum til at kunna stilla upp sum nýggjur floksformaður. Konservativi flokkurin skal aftur hava nýggjan formann, nú Liz Truss fyrr í vikuni legði frá sær eftir bara 44 dagar í sessinum, ið somuleiðis er forsætisráðharrasessurin. Tá ið Liz Truss formansvalið í konservativa flokkinum, var tað júst í kapping við Rishi Sunak, sum hon tá vann sannførandi á. Liz Truss avloysti Boris Johnson, ið noyddist at leggja frá sær, tí hann ikki hevði sagt satt um eina veitslu í Downing Street undir koronufarsóttini, tá ið forboð annars var fyri veitslum og líknandi í Bretlandi. Tað hevur ljóðað, at Boris Johnson longu nú skal hava hug til at bjóða seg fram av nýggjum sum konservativur floksleiðari og forsætisráðharri, men enn hevur hann ikki alment boðað frá hesum.