Samráðingarnar so smátt byrjaðar

Samráðingarnar á almenna arbeiðsmarknaðinum eru so smátt byrjaðar.

20. oktober handaðu Føroya Lærarafelag og Fíggjarmálaráðið síni krøv, og í morgin fer Heilsurøktarafelagið á fund við bæði Fíggjarmálaráðið og Kommunala Arbeiðsgevarafelagið.

Og í næstum verður fundur millum Fíggjarmálaráðið og Akademikarafelagið.

Í hesum umfari skal Lønardeildin í Fíggjarmálaráðnum hava fund við umleið 11 feløg, sum eru á almenna arbeiðsmarknaðinum.

Stór feløg sum Sjúkrarøktarfrøðingafelagið og Pedagogfelagið hava sáttmála, sum gongur út ávikavist í januar og í apríl næsta ár.

Lærarafelagið, lønardeildin

Lærarafelagið og Fíggjarmálaráðið handaðu síni krøv 20. oktober. (Mynd: Bjarni Árting Rubeksen)