Fasti gerðarrættur viðger mál um søluútreiðslur

Í morgin fer Fasti gerðarrættur at hava úrskurðarfund um eitt mál millum Fiskimannafelagið og Maskinmeistarafelagið og Reiðarafelagið.

Tey bæði manningarfeløgini vilja hava reiðararnar at viðurkenna, at reiðaríið hjá Gøtunesi ikki hevur rætt til at taka søluútreiðslur, 25 oyru fyri kilo, av avrokningini fyri tveir túrar hjá Gøtunesi í desember í 2020.

Málið var latið Fasta gerðarrætti 12.oktober í fjør.

Úrskurðarfundurin í morgin er almennur.

Hann verður í skúlastovuni í ALS-húsinum á Tinghúsvegi og byrjar klokkan níggju.