Franski sendiharrin í Tinganesi

Franski sendiharrin í Tinganesi
Løgmaður og Christophe Parisot umrøddu mál av felags áhuga
Bárður á Steig Nielsen, løgmaður, og Christophe Parisot, franskur sendiharri í Keypmannahavn.
 
02.11.2022 - 15:54

Fyrrapartin var franski sendiharrin í Keypmannahavn, Christophe Parisot, í Tinganesi á vitjan hjá Bárði á Steig Nielsen, løgmanni.

Teir umrøddu mál, sum hava felags áhuga. Eitt nú fiskivinnu og ferðavinnu, skrivar Løgmansskrivstovan.

Franski sendiharrin í Keypmannahavn vísti millum annað á møguleikar við vaksandi ferðavinnu millum Føroyar og Frakland, nú Atlantsflog flýgur beinleiðis til París.

 

Trygdarviðurskifti

Eisini umrøddu løgmaður og franski sendiharrin økta trygdarpolitiska áhugan fyri Norðuratlantshavi og Arktis, nú kríggj er í Evropa.

Løgmaður og Christophe Parisot høvdu eisini fiskiveiðusamstarvið í Norðuratlantshavi á lofti, har bæði Føroyar og Frakland, sum partur av ES, eru strandarlond.

Løgmansskrivstovan sigur, at báðir tveir vístu á, at tað er neyðugt at finna semjur, um burðardygg fiskiveiða skal halda fram.

Løgmaður gjørdi eisini vart við, at føroyingar vilja styrkja samstarvið við ES, har Frakland er eitt av teimum stóru og valdsmiklu limalondunum.

Er kopiera
Nýggjastu sendingar í ÚV
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Leygardag 14. november
TEMAPLÁTAN 40: 'Fahrenheit', Toto, 1986
215932
Nýggjastu sendingar í SV
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214
Sunnudag 15. november
Talvið um Tinganes (2:2) - teknmálstulkað
216435