Breddin um stjórnarsamráðingar og grundlóg

Tað er ikki sum at siga tey at taka føroysku fólkatingssessirnar av, tí teir eru lógarfestir í grundlógini, sigur viðmerkjari í sendingini

Mette Frederiksen, forsætisráðharri, er farin undir stjórnarsamráðingar, og hon ætlar at hitta umboð fyri allar flokkar í fólkatinginum í dag, eisini føroysku og grønlendsku fólkatingsumboðini.

Mynd: Ritzau Scanpix

Kári Mikkelsen

04.11.2022 - 09:14

Fólkatingsvalið í Danmark týsdagin gav vinstraveinginum og Mette Frederiksen úr Javnaðarflokkinum samráðingarrættin til at skipa eina nýggja stjórn. Tær samráðingarnar byrja í dag, og tað verður ikki við flokkarnar á reyða veinginum sum teir fyrstu, men við teir bláu hinumegin miðjuna í donskum politikki.

Vit tosa við tey føroysku umboðini, Onnu Falkenberg og Sjúrð Skaale, sum fóru til Danmarkar fyrr í vikuni, har tey eisini skulu gera seg galdandi í tí, sum nú fer fram í stjórnarsamráðingunum og millum hinar fólkatingslimirnar.

Síðani tosa vit við ein viðmerkjara, sum hyggur at støðuni hjá teimum báðum føroysku fólkatingsumboðunum.

Ikki minst tí løgfrøðisliga partinum. Hann heldur, at í Føroyum er ov lætt hjá nøkrum flokkum at tosa um, at føroysku fólkatingsumboðini bara kunnu takast av, tí tað kunnu tey ikki, av tí at tey eru skrivað inn í grundlógina, og tað er ikki sum at siga tað at broyta grundlógina.

Breddin í útvarpinum klokkan 10.