Noreg selur Rumenia F-16 jagaraflogfør

Noreg selur 32 F-16 jagaraflogfør til verjuna í Rumenia fyri tilsamans 388 milliónir evur, - tað eru 2,8 milliardir krónur. 

Rumenia hevur síðani 2021 víst áhuga fyri norsku flogførunum. Tey skulu styrkja turkisku luftverjuna, skrivar norska verjumálaráðið í tíðindaskrivi. Samráðst hevur verið í fleiri mánaðir, og í gjár varð avtalan undirskrivað. Avtalan fevnir eisini um eykalutir og annað í sambandi við røkt, og at upplæra starvsfólk innan tøkni.

Norski verjumálaráðharrin Bjørn Arild Gram sigur, at flogførini eru týdningarmikil lutur í tiltøkunum at stuðla loftverjuna hjá einum Natolandi, og hetta er samstundis góð inntøka hjá norska statinum.