- Tíðindi, mentan og ítróttur
Árinsmeting gjørd av smoltstøðini í Ónavík
Árinsmeting gjørd av smoltstøðini í Ónavík
Niðurstøðan hjá SMJ, sum hevur kannað fyri Bakkafrost, er, at ávirkanin at fylla út og byggja smoltstøðina, verður avmarkað
Smoltstøðin fer at brúka 100 rúmmetrar av vatni um tíman, og vatnið verður tikið úr Sumbiarbergholinum.
Mynd: Umhvørvisstovan
09.11.2022 - 08:27
Nú kunnu øll, sum vilja, koma við viðmerkingum um, hvussu ætlaða smoltstøðin hjá Bakkafrosti í Ónavík við Lopransfjørð fer at ávirka umhvørvið.
Ein umhvørvisárinsmeting er gjørd og send til hoyringar.
Myndugleikar, feløg, felagsskapir og almenningurin kunnu gera viðmerkingar, í seinasta lagi til 25.november, sigur Umhvørvisstovan.
Umhvørvisárinsmetingin og fylgiskjøl eru á heimasíðuni us.fo.
(Mynd: Umhvørvisstovan)
Avmarkað ávirkan
Niðurstøðan hjá SMJ, sum hevur kannað hetta fyri Bakkafrost, er, at tað fer at hava eina avmarkaða og staðbundna ávirkan at fylla út á sjógv og byggja smoltstøðina.
Og ávirkanin verður bara ta tíðina, sum tað tekur plantulívinum og djóralívinum at endurstovna seg.
Smoltstøðin fer at brúka 100 rúmmetrar av vatni um tíman.
Vatnið verður tikið úr Sumbiarbergholinum.
Er kopiera
Nýggjastu sendingar í ÚV
Nýggjastu sendingar í SV
