Nýggjur deildarstjóri í Uttanríkis- og mentamálaráðnum

Elsa Østergaard er sett sum deildarstjóri á Útbúgvingardeildini í Uttanríkis- og mentamálaráðnum.

Deildin hevur ábyrgdina av tí fakliga og politikkfyrireikandi arbeiðinum í breiðum týdningi innan útbúgvingarøkið og gransking, sum fevnir um alt frá dagstovni, fólkaskúla, miðnámi, hægri útbúgving, gransking v.m.

Elsa Østergaard er 46 ára gomul og útbúgvin cand. jur. í 2005 frá Århus Universitet. Harumframt hevur hon tikið grundleggjandi leiðsluskeið og Diplomútbúgving í leiðslu og onnur viðkomandi skeið.

Hon hevur 16 ára royndir í føroyskari og danskari fyrisiting, harav sjey ár sum fulltrúi í Innlendismálaráðnum.

Í løtuni starvast Elsa Østergaard hjá Ríkisumboðnum, og hon tekur við starvinum í Uttanríkis- og mentamálaráðnum 1. januar.