Breddin: Valstríð og formansskifti í Fólkaflokkinum

Fyrsta formansumfar undan løgtingsvalinum 8. desember var í gjárkvøldið í sjónvarpinum. Vit spyrja politiskar eygleiðarar, hvussu teir ímynda sær, at valstríðið verður.

Og so hevur Fólkaflokkurin fingið nýggjan formann, tí í gjárkvøldið var Beinir Johannesen valdur til formann í flokkinum. Hetta fara vit eisini at umrøða saman við eygleiðarunum.

Fólkaflokkurin, Kreppufundur, Beinir Johannesen

Beinir Johannesen er nýggjur formaður í Fólkaflokkinum. (Mynd: Bjarni Árting Rubeksen)

Trupulleikin við sálarsjúku millum ung, sum eisini stríðast við misnýtslu, veksur alsamt. Tað sigur leiðarin á Herberginum í Havn og viðgerðarstovninum Frælsinum á Eiði.

Hann eftirlýsir meiri samstarv millum almennar stovnar fyri at lofta hesum ungu, sum ofta mangla tak yvir høvdið. Tey eru kanska ikki so nógv í tali, men talið veksur spakuliga, og tað merkja tey á Herberginum.

Breddin í útvarpinum klokkan 10.