- Tíðindi, mentan og ítróttur
Einki svar um fundarfrágreiðingar í hesum umfari
Einki svar um fundarfrágreiðingar í hesum umfari
Hóast skrivligi fyrispurningurin kom í løgtingið 6.september, hevur løgtingið ikki atkvøtt, um hann skal svarast
Lene Moyell Johansen, ríkisumboð, fer sjálv av, um hon svarar fyripurningum á tingi.
Mynd: Bjarni Árting Rubeksen
11.11.2022 - 08:30
Svarið um donsku fundarfrágreiðingarnar um fullveldissamráðingar fyrst í hesi øldini fæst ikki í hesum umfarinum.
Beinta Løwe, løgtingskvinna, spurdi fyri góðum tveimum mánaðnum síðani Lene Moyell Johansen, ríkisumboð, nær danskir myndugleikar fara at lata innlit í og/ella almannakunngera fundarfrágreiðingarnar frá fullveldissamráðingunum.
Um ikki, hvør er so orsøkin til tess, spyr Beinta Løwe.
Hóast skrivligi fyrispurningurin kom í løgtingið 6.september, hevur løgtingið ikki atkvøtt, um hann skal svarast.
Sambært tingskipanini ger ríkisumboðið sjálvt av, um tað svarar fyrispurningum frá tingfólki.
Føroyskir myndugleikar almannakunngjørdu í 2020 fundarfrágreiðingar frá fullveldissamráðingunum.
Er kopiera
Nýggjastu sendingar í ÚV
Nýggjastu sendingar í SV
