Norski fiskaútflutningurin setur met

Aftur í oktober setti norski útflutningurin av fiskavørum met, og longu nú er greitt, at útflutningurin í ár verður størri enn í fjør.

Í oktober var útflutt fyri 15,4 milliardir kr, og tað er nýtt met. Og higartil í ár er útflutt fyri meir enn í fjør, sum eisini var metár.

Í oktober var útflutt fyri eina hálva milliard kr. um dagin.

- Gongdin prógvar, at fiskavørur hava alstóran týdning fyri norska samfelagið, sigur stjórin í sjómatráðnum, Christian Chramer.

Higartil í ár hevur Noreg útflutt fiskavørur fyri 123,9 milliardir kr., 27,1 milliard meir enn í fjør, skrivar NTB.