Skúlastjóri verður stjóri í HSF

Skúlastjórin í Hoyvíkar skúla, Hans Jón Thomsen, verður stjóri í Hondbóltssambandi Føroya. 

Talan er um eitt nýtt starv, stjórastarvið skal styrkja um umsiting og leiðslu í HSF, nú virksemið er økt nógv seinastu árini.

Hans Jón Thomsen er 49 ára gamal, ættaður av Tvøroyri, og hann hevur verið skúlastjóri í Hoyvíkar skúla seinastu sjey árini.

Fyrr í ár var Hans Jón Thomsen í uppskoti til ársins almenna leiðara.

Hans Jón Thomsen byrjar í starvinum 1. januar 2023.