Trygdarvarðhald fyri neyðtøkuroynd og rán

Ein maður um 30 ára aldur er í dag dømdur trygdarvarðhald í einum máli um neyðtøkuroynd og fyri at hava rænt taskur frá kvinnum.

Semja var í nevningatinginum, tá skuldarspurningurin var viðgjørdur í Føroya rætti í dag.

Maðurin var funnin sekur í at hava framt tvey rán - eitt í 2019 og eitt í 2022 - og fyri at hava framt eina neyðtøkuroynd í mars 2022.

Ákæruvaldið er nøgt við úrslitið:

Katrin Thorsvig Hansen

Katrin Thorsvig Hansen er høvuðsákæri.

Óla Jákup Kristoffersen, verji hjá ákærda, heldur, at talan er um ein harðan dóm samanborið við lógarbrotini, sum ákærdi hevur framt:

Óla Jákup Kristoffersen

Óla Jákup Kristoffersen er verji.

Maðurin er áður dømdur fyri fleiri neyðtøkuroyndir, seinast í Føroya Rætti í 2020.

Av tí at maðurin, hóast langar fongsulsrevsingar, framhaldandi fremur grov brot á revsilógina - brot har hann leggur á ungar kvinnur - kravdi ákæruvaldið í dag, at hann skuldi dømast í trygdarvarðhald. Hesum tók nevningatingið undir við.

Meira verður at frætta um málið í tíðindasendingini á nátturða.