Fleiri vilja sleppa at bora jarðhitahol

Í løtuni eru tveir veitarar í Føroyum, sum bora jarðhitahol.

Men fleiri hava áhuga fyri at útvega sær neyðugu førleikarnar og loyvini fyri at gerast veitari.

Tað sigur Uttanríkis- og Vinnumálaráðið við Fíggjarnevndina hjá løgtinginum.

Ráðið biður í uppskotinum um fíggjarlóg fyri 2023 um 1,8 mió. kr. í stuðli til teirra, sum útvega nýggja vitan um orkumøguleikar úr undirgrundini.

Nú ber til at fáa allar førleikar í at bora jarðhitahol í Føroyum. Higartil hevur skeiðið verið í Svøríki. 

Galdandi í trý ár

Umhvørvisstovan góðkennir brunnborarar.

Góðkenningin er galdandi í trý ár, men kann endurnýggjast eftir umsókn.

Umhvørvis- og Vinnumálaráðið sigur, at dømi eru um, at tvey sethús eru saman um eitt borihol. 

Dømi eru eisini um, at nógvar íbúðir brúka sama borihol.

Aðrar loysnir eru eisini, so sum nærhitaskipanin í Leirvík.