- Tíðindi, mentan og ítróttur
Svøríki vil ikki hækka prísin á snúsi
Svøríki vil ikki hækka prísin á snúsi
ES ætlar at dagføra skattin á tubbaki, m.a. á snúsi, men svenski ES-nevndarlimurin er ímóti
ES ætlar, at snús eisini skal roknast sum tubbaksvøra.
28.11.2022 - 08:58
Sviar eru stórbrúkarar av snúsi, og svenski ES-nevndarlimurin, Ylva Johansson, sigur, at Svøríki undir ongum umstøðum fer at taka undir við uppskotinum frá ES-nevndini um at tvífalda prísin á snúsi.
Svenska Aftonbladet avdúkaði leygardagin eitt loyniligt uppskot um nýggjar reglur um skatt á tubbak, har snús verður roknað sum aðrar tubbaksvørur.
Skattapakkin, sum italski nevndarlimurin, Paolo Genitioni, er komin við, skuldi eftir ætlan setast í gildi í desember.
Hetta er dagføring av gamla tubbaksskattinum, sum fevnir um nýggjar vørur, sum ikki vóru til fyrr, eitt nú e-sigarettir, tubbak sum verður hitað upp, men ikki brennist, og nikotinvørur við ongum tubbaki, og so snús, skrivar NTB.
Er kopiera
Nýggjastu sendingar í ÚV
Nýggjastu sendingar í SV
