Fyrrverandi kinesiskur forseti deyður

Fyrrverandi kinesiski leiðarin, Jiang Zemin, er deyður, 96 ára gamal.

Kinesiska tíðindastovan Xinhua skrivar, at Jiang Zemin hevði krabba og doyði, tí gøgnini ikki megnaðu meira.

Tað vóru hópdrápini á Himmalska friðartorginum í Beijing í 1989, sum høvdu við sær, at Jiang Zemin, sum var lutfalsliga ókendur í leiðsluni í kinesiska kommunistaflokkinum, kom til valdið. Fleiri mótmælisfólk doyðu í mótmælisgongunum.

Zhao Ziyang, sum var leiðari í 1989, fall í ónáði í flokkinum, tí hann royndi at koma í samband við illu studentarnar.

Í hansara stað kom tí Jiang Zemin, sum hevði somu fatan sum gamla leiðslan í kommunistaflokkinum.