Sparikassastjóri ávarar: Ein annar veruleiki bíðar eftir valið

- Valstríðið í Føroyum gongur við fullari ferð, men eg sakni, at bæði teir spírandi og teir meira royndu politikararnar halda seg til tann veruleika, at renturnar hækka, og at inflatiónin er søguliga stór.

Tað skrivar stjórin í Suðuroyar sparikassa, Søren Bruun, á sínum Facebook-vanga.

- Avleiðingarnar kunnu skjótt gerast neiligar fyri samfelagið, men svarini hjá politikarunum eru hjálparpakkar, fleiri íløgur, meira forbrúk og størri eftirspurningur. Bankarnir gera seg til reiðar til harðar samrøður við viðskiftafólkini, meðan politisku lyftini flúgva til høgru og vinstru.

- Eg stúri fyri, at tað bíðar ein annar veruleiki eftir valið 8. desember, skrivar Søren Bruun.

Hoyr samrøðu við stjóran í Suðuroyar sparikassa í útvarpstíðindunum: