Fleiri akfør í Eysturoyartunlinum í november

Nakað fleiri akfør brúktu Eysturoyartunnilin í november enn í oktober, men munurin er lítil.

Í november vóru akførini 4636 og í oktober 4546.

Men tey vóru nógv fleiri enn í november í fjør, tá tey vóru 3776.

Færri í Vágatunlinum 

Í Vágatunlinum vóru færri akfør í november enn í oktober. Tey vóru 2503 í november og 2767 í oktober. Í november í fjør vóru skrásett 2319 akfør í Vágatunlinum.

4020 akfør brúktur Norðoyatunnilin, 18 fleiri enn í oktober.

Í november í fjør vóru akførini har 3844.