Færri nýggir bilar skrásettir í ár

20 prosent færri nýggir bilar eru skrásettir í Føroyum í ár samanborið við 2021.

Til 1. desember í ár eru akførini 2.116. Til 1. desember í fjør vóru tey 2.643, 527 fleiri enn í ár.

Í november í ár vóru akførini 22 færri enn í fjør.

312 færri persónbilar

Fyrst og fremst persónbilarnir eru færri. Teir eru 312 færri í ár. Eisini prutlini og vøruvognarnir eru færri, ávikavist 53 og 84.

Men 13 fleiri hýruvognar eru skrásettir í ár.

Innflutt brúkt akfør eru eisini færri í ár, 30 prosent færri.