SF tikið seg úr stjórnarsamráðingunum

Sosialistiski fólkaflokkurin, SF, í Danmark hevur tikið seg úr samgongusamráðingunum.

TV2 skrivar, at forkvinnan, Pia Olsen Dyhr sigur, at samráðingarnar nú eru blivnar "ov bláar", sum hon málber seg.

Spurd, um SF ætlar sær at vera stuðulsflokkur í einari stjórn tvørtur um miðjuna við Sosialdemokratunum og Vinstra, svarar Pia Olsen Dyhr nei.

- Vit skulu ikki vera stjórnarberandi, men heldur ein konstruktivur andstøðuflokkur, sigur hon.

- Eg harmist um, at fyrst Konservativi flokkurin og nú SF hava tikið seg úr samráðingunum, tí eg hevði eitt ynski um, at báðir hesir flokkar skuldu vera við. Men nú samráðast vit so víðari við aðrar flokkar, sigur Mette Frederiksen, forkvinna í Sosialdemokratunum við DR.