39.017 hava valrætt í dag

39.017 hava valrætt á løgtingsvalinum í dag.

Hetta eru 1.196 fleiri enn á valinum í 2019.

589, sum lesa uttanlands, hava valrætt í dag.

168 valevni eru. Tey vóru 179 í 2019, men tá vóru níggju flokkar, nú eru sjey.

Valstøðini eru 57. Nógv tað størsta er á Hálsi í Havn, har kunnu 13.182 fólk velja.

Minsta valstaðið er í Hattarvík, har eru 10 veljarar. 

Valið byrjar klokkan 10:00 fyrrapartin og varar til klokkan 20:00, ella so leingi veljarar koma uttan steðg.