![](https://www.svf.fo/sites/default/files/styles/myndasavn-width/public/aksel_logtingsvalid_2022-13.jpg?itok=umOhPzOx)
- Tíðindi, mentan og ítróttur
Løgmaður skattar dýpið í dag
![](https://kvf.fo/sites/default/files/styles/grein-ovasta-mynd/public/samal_petur_logtingsvalid_2022-6.jpg?itok=A7jopQh3)
Longu í dag fer formaðurin í Sambandsflokkinum og virkandi løgmaður, Bárður á Steig Nielsen, at skatta dýpið fyri at vita, um Sambandsflokkurin kann halda fram í samgongu.
Í nátt, tá valúrslitið var komið, segði hann:
Í seinasta lagi 12 yrkadagar eftir eitt løgtingsval skal nývalda løgtingið koma saman, sigur stýrisskipanarlógin.
Longu í nátt vísti Høgni Hoydal, formaður í Tjóðveldi, á Aksel V. Johannesen í Javnaðarflokkinum sum komandi løgmann, tá Høgni vildi hava Aksel at vera leiðari í samráðingunum um nýggja samgongu.
Møguleikin, sum var nevndur í nátt, er ein samgonga millum Javnaðarflokkin, Tjóðveldi og Framsókn.
Aksel V. Johannesen, formaður í Javnaðarflokkinum, á vali í Havn í gjár. (Mynd: Bjarni Árting Rubeksen)
Aksel V. Johannesen ætlar sær at tosa við flokkarnar, sum hann hevur verið í andstøðu við seinasta valskeið.
Ruth hevur lykilin
Ruth Vang situr við lyklinum, men hon gav onga ábending í nátt.
Framsókn kann velja, hvørjari samgongu, flokkurin vil stuðla við at geva henni meirilutan.
Ruth Vang, forkvinna í Framsókn, fekk eitt gott val í gjár. (Bjarni Árting Rubeksen)
Beinir Johannesen í Fólkaflokkinum sigur seg kunna samstarva við allar flokkar. Eisini hann ætlar sær at tosa við hinar flokkarnar í dag.
Jenis av Rana í Miðflokkinum heldur, at samgongan, sum hann fór úr í heyst, kann halda fram við Framsókn aftrat.
- Vit hava nógv til felags við Framsókn. Har eru fólk, sum vit samstarva ómetaliga væl við, segði Jenis av Rana í nátt.