Halda fram við samráðingunum í kvøld

Javnaðarflokkurin, Sambandsflokkurin og Framsókn halda fram við samgongusamráðingunum í kvøld, og eru líkindi til, at ein samgonga kann spyrjast burturúr millum hesar tríggjar flokkarnar, verður farið undir realitetssamráðingar í morgin.

Tað sigur Aksel V. Johannesen, formaður í Javnaðarflokkinum, og samráðingarleiðari eftir fyrsta fundin við hinar báðar flokkarnar seinnapartin.

Trý umboð fyri hvønn flokk eru við í samráðingunum.

Johan Dahl

Johan Dahl er í samráðingarnevndini hjá Sambandsflokkinum. (Mynd: Bjarni Árting Rubeksen)

Djóni Nolsøe Joensen

Djóni Nolsøe Joensen er í samráðingarnevndini hjá Javnaðarflokkinum (Mynd: Bjarni Árting Rubeksen)

Trý umboð fyri hvønn flokk

Flokkarnir hava trý umboð hvør í samráðingunum.

Í samráðingarnevndini hjá Javnaðarflokkinum eru Aksel V. Johannesen, Djóni Nolsøe Joensen og Ingilín Didriksen Strøm.

Ruth Vang

Ruth Vang, forkvinna, er í samráðingarnevndini hjá Framsókn. (Mynd: Bjarni Árting Rubeksen)

Bárður á Steig Nielsen, Helgi Abrahamsen og Johan Dahl manna samráðingarnevndina hjá Sambandsflokkinum, og øll trý løgtingsfólkini hjá Framsókn samráðast fyri Framsókn.

Tey eru Ruth Vang, Bjarni Kárason Petersen og Sólvit Nolsø.

Hoyr samrøðu, sum Frants Jensen gjørdi við Aksel V. Johannesen fyri løtu síðani: