Nes kommuna farin um 1500 fólk

Seinastu árini hevur fólkavøksturin í Nes kommunu verið so mikið stórur, at fólkatalið nú er komið upp um 1500. 

Í morgun kundi Nes kommuna staðfesta, at tað nú búgva 1.502 fólk í kommununi, sum tí kann velja at taka sær býarheiti.

Nes kommuna upplýsir, at í januar 2018 búðu 1.279 fólk í kommununi. Sostatt er fólkatalið vaksið 223 fólk, ella 17,4 % seinastu fimm árini.

Í januar er ætlanin at hátíðarhalda býarheitið við einum tiltaki fyri íbúgvunum, sigur kommunan.