Tey flestu vilja hava Aksel sum samráðingarleiðara

Nú er greitt, at formaðurin í Javnaðarflokkinum, Aksel V. Johannesen, hevur størstu undirtøkuna at standa á odda fyri samráðingunum at skipa nýtt landsstýri eftir løgtingsvalið hósdagin.

Í løtuni fær hann stuðul frá tilsamans 22 tingfólkum í Javnaðarflokkinum, Sambandsflokkinum og Tjóðveldi.

Bárður á Steig Nielsen, virkandi løgmaður og formaður í Sambandsflokkinum, hevur í morgun verið tvær ferðir hjá løgtingsformanninum.

Fyrru ferð bað hann um at verða loystur úr starvi sum løgmaður, og seinnu ferð vísti hann á formannin í Javnaðarflokkinum, Aksel V. Johannesen, sum samráðingarleiðara.

Myndir: Bjarni Árting Rubeksen.

Samgongusamráðingar 2022, Bárður á Steig Nielsen, Jógvan á Lakjuni

Bárður á Steig Nielsen hitti løgtingsformannin tvær ferðir í morgun.

Aksel V. Johannesen hevur víst á seg sjálvan sum samráðingarleiðara, og fyri løtu síðani fór Høgni Hoydal, formaður í Tjóðveldi, til løgtingsformannin. Hann segði fyri fundin við Jógvan á Lakjuni, at Tjóðveldi vísir á Aksel V. Johannesen.

Samgongusamráðingar 2022, Høgni Hoydal, Jógvan á Lakjuni

Høgni Hoydal, formaður í Tjóðveldi, hittir løgtingsformannin. 

Fólkaflokkurin vil einki siga

Beinir Johannesen, formaður í Fólkaflokkinum, hevur eisini verið hjá løgtingsformanninum, men hann vil ikki siga, hvønn Fólkaflokkurin vísir á. Beinir Johannesen sigur, at flokkurin vísir á tann, sum flokkurin væntar at fáa mest burturúr við at fara í samgongu.

Samgongusamráðingar 2022,, Beinir Johannesen

Beinir Johannesen, formaður í Fólkaflokkinum, vil ikki siga, hvønn Fólkaflokkurin vísir á sum samráðingarleiðara.

Bárður á Steig Nielsen sigur, at hann væntar at sleppa til samráðingarborðið við Javnaðarflokkin longu í dag.

Hoyr samrøðu, sum Frants Jensen gjørdi við formannin í Sambandsflokkinum: