Sleppa at tingast við stjórnina um fíggjarmál

Nýggja stjórnin í Danmark fer at hava fólkatingslimirnar úr Grønlandi og Føroyum við, tá viðurskifti í donsku fíggjarlógini, sum eru um Føroyar og Grønland, eru til viðgerðar.

Hetta eru viðurskifti viðvíkjandi ítøkiliga samstarvinum millum Danmark, Føroyar og Grønland.

Samgonguskjalið hjá nýggju stjórnini fer eisini niður í smálutir.

Stjórnin ætlar at kanna og arbeiða fyri, at føroyingar og grønlendingar, sum búgva í Danmark, fáa farloyvi til at vera hjá nærskyldum fólki í Føroyum ella í Grønlandi, sum liggja fyri deyðanum.

Hetta skal eisini vera galdandi fyri danir, sum búgva í Føroyum ella í Grønlandi.  

Sjúrður Skaale

Sjúrður Skaale, fólkatingsmaður fyri Javnaðarflokkin.