Gjaldið til fosturforeldur hækkar

Fosturforeldur fáa hálva aðru krónu meira fyri hvørt fosturbarnið um samdøgrið næsta ár.

Tey fáa 124,05 kr.

Í ár fáa tey 122,52 kr. um samdøgrið.

Orsøkin til hækkingina er, at javningarprosentið hjá almannaveitingum í 2023 er 1,25.

Gjaldið fyri vistarhald hækkar eisini

Pengar til vistarhald og klæði og til lummapengar eru tí eisini 1,25 prosent fleiri næsta ár enn í ár. 

Er talan um eitt sera trupult barn, kunnu fosturforeldrini fáa upp til tríggjar samsýningar. Er talan um eitt óvanliga trupult barn, kann samsýningin sjeyfaldast, og tað sama er galdandi, er talan um pinkubarn undir eitt ár.