Landsverk: Framvegis vandi fyri áarlopi

Ringa veðrið hevur órógvað ferðsluna í morgun, og vandi er framvegis fyri áarlopi.

Mortan Olsen er økisleiðari hjá Landsverki. Hann segði soleiðis, tá vit tosaðu við hann klokkan 9 í morgun:

Landsverk sigur, at tað er ikki koyrandi á Kunoyarvegnum, Elduvíkarvegnum, til Syðradals á Streymoynni, til Skælings og til Funnings.

Koyrandi er til Trøllanes, men bert eftir øðrum sporinum.

Vánalig koyrilíkindi eru á Gjáarvegnum og á Selatraðarvegnum.

Ein stórur hylur er á landsvegnum í Norðragøtu.

Nú blot kemur í kavan, kann vandi verða fyri áarlopi, og mugu bilførarar vísa størsta varsemi.

Fleiri áarlop hava verið á landsvegunum í morgun, sigur Landsverk.