Russiskt dronuálop á Kyiv

Russiskt dronuálop á Kyiv
Dronurnar eru framleiddar í Iran, men fleiri dronur eru eisini skotnar niður
Russiska dronuálopið hevur gjørt stóran skaða í Kyiv.
Mynd: RitzauScanpix  
 
19.12.2022 - 11:10

Russland skal hava skotið í minsta lagi 20 dronur, sum eru framleiddar í Iran, eftir ukrainska høvuðsstaðnum Kyiv tíðliga í morgun. 

Samstundis halda hørðu samanbrestirnir um býin Bakhmut fram har eysturi í landinum.

Stjórin fyri hernaðarumsitingini, Sergii Popko ,skrivar á Telegram, at 15 iranskt-framleiddar Shahed-dronur eru skotnar niður í morgun í Kyiv-luftrúmi.

Hann sigur, at tilsamans 20 dronur vóru í álopinum á býin.

Iranskt-framleiddu dronurnar vera ofta umrøddar sum kamikaze-dronur, tí tær stoytast inn í málið, í staðin fyri at skjóta vápn, og venda so aftur, skrivar NTB.

 

 

Streymurin komin aftur

Stórir partar av Ukraina hava ongan streym havt eftir russiska luftálopið fríggjamorgunin, eisini partar av høvuðsstaðnum Kyiv.

Í gjár fingu tilsamans níggju milliónir fólk streymin aftur, sigur Volodymyr Zelenskyj forseti.

- Tríggjar milliónir ukrainar aftrat hava fingið streymvetingina aftur, umframt tær seks milliónirnar í gjár, segði Zelenskyj m.a. í sjónbandaðum boðum á Telegram.

Leygarkvøldið segði Zelenskyj, at seks milliónir fólk høvdu fingið streymin aftur seinasta samdøgrið.
 

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442