Eystur- og Sandoyartunlar hava hall í fleiri ár aftrat

Samfelag

2200 akfør fleiri skulu koyra í báðum tunlunum, áðrenn tað fer at standa upp og niður fíggjarliga

Eystur- og Sandoyartunlar fara væntandi at hava stór hall í fleiri ár aftrat.

Mynd: Bjarni Árting Rubeksen

Frants Jensen

21.12.2022 - 11:10

Í hesum døgum eru tvey ár liðin, síðani Eysturoyartunnilin læt upp fyri almennari ferðslu.

Ferðslan hevur ikki verið so nógv, sum leiðslan hevði vónað, og tí fer tunnilin at hava hall í fleiri ár afturat, sigur Teitur Samuelsen, stjóri.

2200 akfør fleiri skulu koyra í Eystur- og Sandoyartunlunum, áðrenn tað fer at standa upp og niður fíggjarliga.

Teitur Samuelsen

Teitur Samuelsen er stjóri í Eystur- og Sandoyartunlum.

350 akfør í Sandoyartunlinum

Ferðslan í Sandoyartunlinum, sum letur upp um eitt ár, fer ikki at muna stórvegis, tí bara 350 akfør fara at koyra har um samdøgrið.

Landskassin ber fíggjarliga hallið av báðum tunlunum. Í ár verður hallið góðar 50 milliónir krónur. Í fíggjarlógaruppskotinum fyri 2023, sum varð lagt fram 30. september, var væntað, at hallið í 2023 verður 40 milliónir krónur.

Hoyr innslag í útvarpstíðindunum:

21122022_Teitur_og_Eysturoyartunnil