Kanna ferðafólk úr Kina fyri koronu

Alsamt fleiri lond velja nú at kanna øll fyri koronu, sum koma loftvegis úr Kina.

Tað seinasta landið í røðini er Spania, ið harafturat krevur, at tey ferðandi úr Kina hava eina negativa koronaváttan við sær, og at tey eru koppsett.

Eisini Ísrael krevur nú negativa koronatest frá teimum, sum koma úr Kina.

Italia gjørdi hósdagin av, at øll fólk, sum koma við flogfari úr Kina skulu kannast fyri koronu, eftir at stakroyndir annan jóladag vístu, at annarhvør ferðandi í tveimum flogførum var smittaður við korona.