Einki samskifti: Støðan kundi verið hættislig

Støðan var ikki nøktandi og kundi verið hættislig, tá ið ein slitnaður samskiftiskaðal í Árnafjarðartunlinum 30. desember gjørdi, at norðastu bygdirnar í Føroyum mistu sambandið við restina av landinum.

Tað heldur borgarstjórin í Hvannasunds kommunu, sum í næstum fer at eftirmeta støðuna saman við øðrum bygdum í Norðoyggjum.

Av tí at tunnilin var stongdur í fleiri tímar, slapst ongan veg, og tað er ikki nøktandi, sigur Katrin Næs, borgarstjóri.

Hoyr innslag í útvarpstíðindunum: 

Tunlar norður um Fjall

Neyðugt var at steingja Árnafjarðartunnilin í fleiri tímar.  (Savnsmynd)