- Tíðindi, mentan og ítróttur
Jarðir: Ikki burðardygt at taka ímóti fleiri ferðafólkum
Jarðir: Ikki burðardygt at taka ímóti fleiri ferðafólkum
Neyðugt er at broyta ferðavinnuna innanlands munandi, sigur Finn Danberg, stjóri. Hann væntar, at smáplássini fáa uppaftur fleiri ferðafólk
Stjórin í Jarðum væntar, at uppaftur fleiri ferðafólk koma til eitt nú Mykinesar, Saksunar og onnur smápláss. (Savnsmynd)
04.01.2023 - 13:01
- Tað er ikki burðardygt at taka ímóti fleiri ferðafólkum í Føroyum, uttan at gera munandi broytingar í ferðavinnuni innanlands.
Tað sigur stjórin í Jarðum, Finn Danberg, eftir at Visit Faroe Islands í gjár segði við útvarpið, at talið á ferðafólkum er ikki nóg stórt.
Finn Danberg vísir á, at tað mest sannlíkt verða tey somu væl umtóktu støðini, sum skulu taka ímóti fleiri ferðafólkum.
Finn Danberg er stjóri í Jarðum.
Hann sipar millum annað til Mykines, Saksun og onnur smápláss, sum sambært honum longu nú hava stórar avbjóðingar av teimum mongu ferðafólkunum, serliga um summarið.
Hoyr innslag í útvarpstíðindunum:
04012023_Jardir_og__ferdavinna
Í innslagnum verður sagt, at ferðafólkatalið í 2022 var góð 406.000 fólk, og at stjórin í Visit Faroe Islands heldur, at hetta er ov lítið.
Tað er ikki rætt. Stjórin í Visit Faroe Islands tosaði um talið av útlendskum ferðafólkum, og tað talið var millum 65.000 og 70.000 í 2022.
Er kopiera
Nýggjastu sendingar í ÚV
Nýggjastu sendingar í SV
