Bakkafossur kemur leygardagin

Leygardagin verður almenn móttøka á Glyvrum, tá ið nýggja skipið hjá Bakkafrosti, Bakkafossur, kemur til Føroya.

Bakkafossur leggur at klokkan hálvgum eitt, og hann verður doyptur klokkan eitt.

Millum klokkan tvey og fýra verða opið skip og opið hús hjá Bakkafrosti. 

Bakkafossur er millum størstu tænastuskip í heiminum til alivinnu. 

Tekur 1.000 tons

Skipið kann føra 1.000 tons av livandi fiski. Tað kann millum annað viðgera laks fyri lús við feskum vatni.

Bakkafossur er 109 metrar langur.

Hann hevur eina hybrid-skipan, sum ger, at diesel motorar saman við battaríum spara 20 prosent í orku.

Skipið er haraftrat fyrireikað til lætt at skifta til 100 prosent grøna orkuloysn, tá tær eru tøkar.

Bakkafossur er bygdur í Turkalandi.