Biskupar mótmæla ætlan at strika dýra biðidag

"Ein ógvuslig uppílegging í siðvenjuna hjá fólkakirkjuni".

Tað siga teir 11 donsku biskuparnir í Danmark í einum felags skrivi, sum teir hava sent danska kirkjumálaráðharranum, Louise Schack-Elholm, í dag í sambandi við ætlanirnar hjá donsku stjórnini at strika dýra biðjudag.

Teir skriva millum annað, at tað eru kirkjan og partarnir á arbeiðsmarknaðinum, sum skulu gera av, hvørjir frídagar skulu vera galdandi. 

Louise Schack-Elholm

Louise Schack-Elholm er nýggjur kirkjumálaráðharri í Danmark. Her er hon avmyndað á veg í nýggjársveitslu hjá drotningini. (Mynd: Ritzau Scanpix)

Halgidagar eru frídagar

Biskuparnir vísa eisini til grein 4 í grundlógini, sum nevnir, at kirkjuligir halgidagar eru frídagar, og teir siga seg vóna, at stjórnin fer at virða hetta.

Í skrivinum siga teir 11 biskuparnir eisini, eins og vit hoyrdu Jógvan Fríðriksson, biskup í Føroyum, siga herfyri, at teir halda tað vera sera løgið, at arbeitt verður við at strika ein halgidag fyri at fíggja øktar hernaðarútreiðslur.