At taka dýra biðidag av er álop á átrúnaðin

Danskir andstøðupolitikarar finnast at donsku stjórnini fyri ætlanina at taka dýra biðidag av sum halgidag.

- Danmark er ein kristin tjóð, og hetta er eisini eitt álop á okkara átrúnað, sigur Søren Pape Poulsen, formaður í Konservativa flokkinum.

- Vit kunnu ikki loysa kríggið í Evropa við at taka dýra biðidag av. Vit hava ikki sæð nakrar útrokningar enn. Vit vita ikki, hvat hetta kann hava við sær í longdini, leggur hann aftrat.

Franciska Rosenkilde

Franciska Rosenkilde er forkvinna í Alternativa flokkinum. (Mynd: Ritzau Scanpix)

Meira ferð á hamstarahjólið

Franciska Rosenkilde úr Alternativa flokkinum slær fast, at fólk í Danmark skulu ikki arbeiða meira, enn tey longu gera.

- Við hesum setur stjórnin meira ferð á hamstarahjólið. Hetta er at fara skeivan veg, sigur hon.

Men Lars Løkke Rasmussen, formaður í Moderata flokkinum, sum er í stjórn saman við Sosialdemokratunum og Vinstra, vísir aftur, at stjórnin fer at slaka í málinum.

- Vit halda fast við ætlanina. Tað krevur pening at økja um útreiðslurnar til verjumál, ger hann greitt.