Fólkatalið veksur støðugt

1.desember í fjør búðu 54.227 fólk í Føroyum. 

Tað eru 620 fleiri enn 1.desember í 2021.

Fólkavøksturin í Føroyum heldur fram á níggjunda ári, skrivar Hagstovan.

Men seinasta árið hevur hann verið lakari enn undanfarnu árini, og er minkaður úr 1,4 prosenti niður í 1,2 prosent.

Fólkavøksturin var størstur í 2018, tá hann var yvir 1,6 prosent.

Frá 1.desember 2021 til 1.desember 2022 var nettoflytingin 502 fólk, og burðaravlopið er 118 fólk.