Javnstøðunevndin fingið leiðbeining um at viðgera klagur

24.01.2023 - 08:35
AktueltPolitikkur
Javnstøðunevndin fingið leiðbeining um at viðgera klagur
Javnstøðunevndin skal eisini viðgera klagur, sum koma frá fólki, sum halda seg hava verið fyri mismuni vegna sítt kyn
Sum eftirlitsmyndugleiki og klagumyndugleiki er Javnstøðunevndin partur av almennu fyrisitingini.
Mynd: Almanna- og mentamálaráðið  
 

Almanna- og mentamálaráðið hevur nú orðað leiðbeining um, hvussu Javnstøðunevndin skal viðgera klagur.

Í leiðbeiningini verður millum annað greitt frá, hvussu nevndin móttekur og viðger klagur. Hvussu hon ger niðurstøður, og nær hon eigur at vísa klagur frá sær.

Sum eftirlitsmyndugleiki og klagumyndugleiki er Javnstøðunevndin partur av almennu fyrisitingini, og tí eru allar viðkomandi ásetingar í fyrisitingarrættinum galdandi fyri hana.

Tí er bæði neyðugt og gott, at nevndin nú hevur fingið leiðbeining at ganga eftir í tí týdningarmikla arbeiði, hon hevur, mangan við torførum klagumálum, sum krevja langa og drúgva viðgerð, sigur Almanna- og mentamálaráðið.

 

 

Eisini klagumyndugleiki

Javnstøðunevndin hevur eftirlit við, at løgtingslóg um javnstøðu millum menn og kvinnur verður hildin.

Umframt at vera eftirlitsmyndugleiki, at upplýsa og ráðgeva um spurningar í sambandi við javnstøðu, skal Javnstøðunevndin eisini viðgera klagur, sum koma frá fólki, sum halda seg hava verið fyri mismuni vegna sítt kyn.

Javnstøðunevndin er eisini klagumyndugleiki, tá klagur verða viðgjørdar um brot á løgtingslógina um at banna mismuni á arbeiðsmarknaðinum orsakað av breki.

Leiðbeiningin hjá Javnstøðunevndini er at finna í lógarsavninum og á heimasíðuni hjá Almanna- og mentamálaráðnum.

Er kopiera
Nýggjastu sendingar í ÚV
Sunnudag 29. januar
Meg Minnist - Karin Brattaberg (2:4)
151082
Sunnudag 29. januar
Bolero
151635
Sunnudag 29. januar
Guðstænasta í Glyvra kirkju
151633
Sunnudag 29. januar
Credo :"Pápi var dupultagentur".
151552
Nýggjastu sendingar í SV
Sunnudag 29. januar
Andakt við Peter Fleetwood
151642
Sunnudag 29. januar
Guðstænasta úr Glyvra kirkju
151640
Hósdag 26. januar
Foytar greyðir 1
151528
Týsdag 24. januar
Vísindavøka 2022
151430