Svenskur nato-limaskapur koyrdur í pausu

Svenski uttanríkisráðharrin Tobias Billstrøm sigur, at tilgongdin hjá Svøríki at gerast limur í Nato verður koyrd í pausu. Orsøkin er turkiska aftursvarið og mótmælini, sum hava verið, eftir at høgravíðgongdi danskt-svenski politikarin Rasmus Paludan alment hevur brent koranir.

Tað skrivar svenska kringvarpið SVT.

- Eg og uttanríkisráðið hava arbeitt hart seinastu vikurnar fyri partvíst at linka spentu støðuna í kjalarvørrinum á koranbrenningini, og partvíst at fáa rætta boðskapin út um, hvat er satt í hesum, sigur Thomas Billstrøm, uttanríkisráðharri.

Hóast ófriðin, væntar svenska stjórnin kortini, at Svøríki verður limur í Nato longu í summar, skrivar blaðið. Fleiri hundraðtals fólk vóru seinasta vikuskifti savnað uttanfyri svensku sendistovuna í Istanbul og brendu myndir av Rasmus Paludan.