Føroyingar arbeiða framvegis mest

Føroyska arbeiðsfjøldin er framvegis tann virknasta í Evropa.

Og ein tann størsti munurin millum Føroyar og hini londini er, at bæði tey ungu, tey eldru og kvinnurnar í Føroyum eru meira vinnuliga virkin enn í øðrum londum.

Eisini er sermerkt fyri vinnutíttleikan í Føroyum, at onga aðrastaðni er munurin millum kynini so lítil sum her.

Tað sigur Hagstovan.

Vinnutíttleikin í Føroyum, sum er arbeiðsfjøldin í prosent av fólkatalinum, er 86,7 prosent hjá monnum og 83,0 prosent hjá kvinnum.

Vinnutíttleiikin eisini stórur millum ungfólk

Longu frá 15 til 20 ára aldri er vinnutíttleikin 80 prosent í Føroyum og 70 prosent í Íslandi.

Hann er 45 prosent í Danmark og 20 prosent í ES.

Hjá teimum 70 til 74 ára gomlu er vinnutíttleikin í Føroyum yvir 30 prosent, nógv størri enn í øðrum londum.

35 lond í Evropa eru við í samanberingini.