Finski forsætisráðharrin vitjar svenska starvsbróðurin

Finski forsætisráðharrin, Sanna Marin, er komin til Svøríkis at hitta svenska starvsbróðurin, Ulf Kristersson. 

Fundurin teirra millum fer at snúgva seg um umsóknirnar um limaskap í Nato.

Hetta er fyrstu ferð, síðani Ulf Kristersson gjørdist forsætisráðharri, at hann fær stjórnarleiðara á vitjan.

Fundurin fer yvirhøvur at snúgva seg um uppsteðgaðu tilgongdina at fáa Finnland og Svøríki upp í Nato. 

Turkaland sigur nei

Londini bæði søktu um limaskap í mai mánaði í fjør, men Turkland hevur steðgað tilgondini. 

Í gjár segði turkiski forsetin, Recep Tayyip Erdogan, at hann er jaligur um finskan limaskap, men ikki um svensku umsóknina.

Eftir fundin verður felags tíðindafundur við Marin og Kristersson.

Týski vinnumálaráðharri,n Robert Habeck, kemur eisini á vitjan í Svøríki í dag. 

Hann skal m.a. á fund við svenska varaforsætisráðharran, Ebbu Busch, skrivar NTB.